قبل متروح تعمل تظلم لازم تقرأ الكلام ده كويس اوي عشان تضمن هيجيلك درجات من التظلم بتاعك , ومبدأيا كده لازم تعمل حفظ لرابط المقال ده عشان هنعمله تحديث بإستمرار
حاجات لازم تكون عارفها قبل متروح تعمل تظلم وهي كالاتي :-
ملحوظات هامة بخصوص تظلمات الثانوية الازهرية 2022
- التظلمات بإذن الله هتبدأ يوم الاثنين 1 أغسطس ولمدة شهر.
- تقديم تظلم بيكون عن طريق البوابة الإلكترونية للأزهر الشريف.
- قيمة التظلم 100 جنيه للمادة، تسترد حال الحصول على درجات إضافية.
- ليك حق تتظلم في عدد المواد اللي انت عاوزها بدون حد أقصى.
- ما تقدمش تظلم إلا لو انت متأكد مليون المية ان ليك درجات.
- في حالات كتير جدا قدمت تظلمات وما حصلش حاجة في مجموعها، وفي حالات قدمت تظلمات وحصلت على درجات نقلتها من كلية لكلية تانية.
- نتيجة التظلم بتظهر بعد عشر أيام أو أسبوعين من تقديم التظلم.
طيب لو انا ليا درجات ازاي اضمن انها ترجعلي في تظلم الازهر 2022
مبدأيا كده , لو ليك درجات بترجعلك في 3 حالات فقط
- الحالة الاولي : هو ان عندك مشكلة في تجميع الدرجات ودي بنسبة من 90-95% درجاتك بترجع , ولو لقيت المشكلة دي عندك بتكتب في ورقة الملاحظات " يوجد مشكلة في تجميع درجات السؤال ... " وتذكر اسم السؤال
- الحالة التانية : هو ان عندك سؤال مش متصحح ودي بنسبة 90 - 95% درجاتك بترجع , وبتكتب في ورقة الملحوظات " السؤال رقم كذا ... لم يتم تصحيحه ولم يتم احتساب درجته"
- الحالة التالته : لو انت كاتب حل اخر في ظهر الورقة او في مكان ما من ورقة الاسالة , ولم يتم النظر اليها في الحالة دي بنسبة 60 - 75 % درجاتك بترجع
طب لو كاتب اجابة صح بس مش نموذجية الدرجات بترجع ؟
في اغلب الاوقات , الدرجات دي مش بترجع لان الادارة بيشوفوا الدرجات دي من منظور انها لاتستحق لك
وفي الفيديو ده شرح لتفاصيل التظلم بالكامل
https://www.youtube.com/watch?v=_9wTu7o2_-4
لو عندك سؤال بخصوص التظلم انزل تحت واضغط علي "اجابة" او "تعليق" وضيف السؤال بتاعك وانتظر واحنا هنرد عليك
بردو في بعض الطلبة سألونا شوية اسأله موجود اجابتها تحت.
في النهاية متنساش تحفظ رابط المقال ده عندك وترجعله كل شوية عشان بنعمل تحديثات مستمرة , وبردو تشوف تعليقات زمايلك بخصوص التظلم
بالتوفيق لكم جميعا ان شاء الله
